The Rigs O' Barley

Robert Burns


It was once upon a Lammas night,
When corn rigs are bonie,
Beneath the moon's unclouded light,
I held awa with Annie:
The time flew by, wi' tentless head,
Till, 'tween the late and early,
Wi' sma' persuasion she agreed,
To see me thr' the barley

CHORUS:
Corn rigs, an' barley rigs,
An' corn rigs are bonie:
I'll ne'er forget that happy night,
Amang the rigs wi' Annie.

The sky was blue, the wind was still,
The moon was shining clearly;
I set her down, wi' right good will,
Amang the rigs o' barley:
I ken't her heart was a' my ain;
I lov'd her most sincerely;
I kiss'd her owre and owre again,
Amang the rigs o' barley.

CHORUS

I lock'd her in my fond embrace;
Her heart was beating rarely:
My blessings on that happy place,
Amang the rigs o' barley!
But by the moon and stars so bright,
That shone that hour so clearly!
She ay shall bless that happy night
Amang the rigs o' barley.

CHORUS

I hae been blythe wi' Comrades dear;
I hae been merry drinking;
I hae been joyfu' gath'rin gear;
I hae been happy thinking:
But a' the pleasures e'er I saw,
Tho' three times doubl'd fairly,
That happy night was worth them a',
Amang the rigs of barley

CHORUS

Quote of the moment:
Quenching the sword's temper in peasants has been outlawed.

This site has received 12240516 hits since Aug 4, 2000

COPYLEFT:
The entire content of all public pages in The Pagan Library (graphics, text and HTML) are free information, released under the terms of the GPL. All copyrighted items mentioned are the property of their respective owners, and no form of ownership or endorsement is implied.

Last modified: June 12 2016 13:20:18